6:25 AM
specialshowtoday
បទសំភាសន៍មួយដែលនាង NAOMI CAMPBELL បានធ្វើជាមួយនាយករដ្ឋមន្ត្រីរុស្ស៊ី លោកវ្ល៉ាឌីមៀរ ពូទីន ត្រូវបានចេញផ្សាយប៉ុន្មានថ្ងៃនេះ ដោយទស្សនាវដ្តី GQ ដែលញុំងឱ្យមានការភ្ញាក់ផ្អើល ។ ស្ត្រីតារាម៉ូដែលរូបនេះដែលធ្វើជាអ្នកកាសែតដែរ បានធ្វើបទសំភាសន៍នេះជាមួយលោកពូទីន កាលពីខែវិច្ឆិកាកន្លងមកនេះក្នុងឱកាសនៃកិច្ចប្រជុំកំពូលស្តីពីសត្វខ្លា ។ បទសំភាសន៍នោះនាងធ្វើសំរាប់ទស្សនាវដ្តីអង់គ្លេស GQ ។ ស្ត្រីតារាម៉ូដែល និងជាអ្នកកាសែតរូបនោះបានសួរសំណួរផ្សេងៗដល់មេដឹកនាំរុស្ស៊ីរូបនេះ ។សំណួរទាំងឡាយរបស់នាងសំដៅពិសេសលើជំហររបស់អ្នកនយោបាយ ។ មានសំណួរមួយនាងសួរទៅលោកពូទីនថា «លោកមានការចាប់អារម្មណ៍យ៉ាងខ្លាំងចំពោះនារី តើលោកយល់យ៉ាងណាចំពោះបណ្តានិស្សិតស្ត្រីដែលបានថតរូបយ៉ាង សិចស៊ីដាក់ក្នុងប្រតិទិន? លោកពូទីន ឆ្លើយតបនឹងសំណួរនេះថា «ខ្ញុំស្រលាញ់នារីទាំងនេះខ្លាំង ពួកនាងពិតជាស្រស់ស្អាតអស្ចារ្យ ។ បណ្តានារីដែលថតរូបដាក់ប្រតិទិនដែលគេថា ខុសសីលធម៌ទាំងនេះពួកគេពិតជាក្លាហាន ហើយពុំខ្លាចពាក្យរិះគន់នានាចំពោះពួកនាងឡើយ ។
ស្ត្រីតារាម៉ូដែល អង់គ្លេសរូបនេះធ្លាប់ត្រូវបានបញ្ជូនឱ្យទៅធ្វើសំភាសន៍ជាមួយលោកហ៊ូ ហ្គោឆាវេសប្រធានាធិបតីវេណេហ្សុ៊យអេឡាដែលជាមិត្តជិតស្និទ្ធរបស់ លោកវ្ល៉ាឌីមៀរ ពូទីនរួចហើយ៕
Posted in
khmer language news
0 comments:
Post a Comment