ថ្ងៃ ពុធ ទី ២ ខែ កុម្ភៈ ឆ្នាំ ២០១១
រូបភាពពីវ៉េបសាយ
សារព័ត៌មានបរទេស បានចុះផ្សាយដំណឹងទាក់ទងនឹងអ្នកចំរៀងដ៏សិចស៊ីជនជាតិកូឡុំប៊ី នាងចាគីរ៉ា កំពុងដើរកំសាន្តជាមួយកីឡាករហ្គេរ៉ាដ ពីកេ ខ្សែការពារក្លឹបបាសេឡូណា ដែលទំនាក់ទំនងខាងលើអាចបញ្ជាក់យ៉ាងច្បាស់ថា តារាចំរៀងរូបនេះមានគំរោងរស់នៅក្នុងប្រទេសអេស្ប៉ាញរយៈពេលយូរ ។ តាមប្រភពព័ត៌មានផ្ទៃក្នុងនៅប្រទេសអេស្ប៉ាញបានបញ្ជាក់ប្រាប់ កាសែតដឹសាន់របស់អង់គ្លេសថា នាងចាគីរ៉ា មានបងស្រីនៅអេស្ប៉ាញ ហើយនាងបានចំណាយពេលនៅទីនោះជាញឹកញាប់ និងកំពុងមានគំរោងរស់នៅជាអចិន្ត្រៃយ៍ទៀតផង។
គេជឿថា អ្នកទាំង២បានជួបគ្នា ក្នុងខណៈពេលនាងច្រៀងបទចំរៀង វ៉ាហ្គាវ៉ាហ្គា ជាបទចំរៀងទាក់ទងនឹងបាល់ទាត់ពិភពលោក២០១០ នៅអាហ្វ្រិកខាងត្បូង។ ក្នុងអំឡុងពេលនោះ នាងនៅមានទំនាក់ទំនងស្នេហាជាមួយលោកអាន់តូនីញ៉ូ ដេឡារូ ដែលមានអាជីពជាមេធាវី និងជាកូនប្រុសរបស់លោកហ្វើណានដូ ដេឡារួ អតីតប្រធានាធិបតីអាហ្សង់ទីន ប៉ុន្តែជាចុងក្រោយនេះក៏បានផ្តាច់ទំនាក់ទំនងជាមួយគូស្នេហ៍ខាងលើ ។ ទោះជាយ៉ាងណាក៏ដោយ ខ្សែការពារក្រុមជំរើសជាតិអេស្ប៉ាញរូបនេះបានធ្វើការបដិសេធថា មិនបានមានទំនាក់ទំនងជាមួយតារាចំរៀងជនជាតិកូឡុំប៊ីអាយុ៣៣ ឆ្នាំ គឺនាងចាគីរ៉ា ដូចការចុះផ្សាយឡើយ ហើយសម្ព័ន្ធភាពរបស់ពួកគេ គឺជាមិត្តភក្តិធម្មតា ៕
0 comments:
Post a Comment