5:25 AM
specialshowtoday
បន្ទាប់ពីក្លាយជាសង្សារនឹងគ្នាអស់រយៈពេល ជាងមួយឆ្នាំមក តារាភាពយន្តហ្វីលីពីនដែលប្រជាពលរដ្ឋខ្មែរស្គាល់គ្រប់គ្នាថាជានាងអ៊ីណា នោះ ពេលនេះបានរៀបការជាមួយតារាភាពយន្តដូចគ្នាគឺលោក Oyo Boy Sotto ដោយរៀបការនៅក្លឹប Balay-Isabel ក្នុងទីក្រុង Talisay ខេត្ត Bata-ngas។
ពិធីរៀបការធ្វើទៅតាមសាសនាគ្រិស្តរបស់គូស្នេហ៍នេះ ដោយមានការចូលរួមពីសំណាក់មិត្តភក្តិជិតស្និទ្ធរបស់អ្នកទាំងពីរ និងបងប្អូន ដូចជាគ្រួសារខាងស្រី ដែលជិះយន្តហោះពីប្រទេសកាណាដាសំរាប់ថ្ងៃពិសេសនេះ។ ជាងនោះទៅទៀត នាយកស្ថានីយទូរទស្សន៍ល្បីក្នុងប្រទេសហ្វីលីពីនលោក Charo Santos Concioនិង លោក Johnny Manahan ដែលជាម្ចាស់ Star Magic ក៏បានចូលរួមដែរ។
គូស្នេហ៍ទាំងពីរបានជួបគ្នាតាំងពីឆ្នាំ២០០៤ ពេលសម្តែងរួមគ្នាក្នុងរឿង Enteng Kabisote បន្ទាប់មកក្លាយជាមិត្តល្អនឹងគ្នា។ ក្រោយមកនៅ ឆ្នាំ២០០៦ លោក Oyo Boy Sottoក៏ចាប់ផ្តើមមានអារម្មណ៍ពិសេសចំពោះនាង។ លោកបាន
បង្ហើបអោយដឹងថា រូបលោកនិងនាងបានណាត់ជួបគ្នាតែលក្ខណៈជាក្រុម។ បើទោះជាមានព័ត៌មានជារឿយៗថា ពួកគេទាំងពីរគាត់មានទំនាក់ ទំនងពិសេសក្តី ក៏លោក Oyo Boy Sotto បាន សារភាពថា ពួកគេក្លាយជាសង្សារនឹងគ្នានៅ ថ្ងៃទី៩ កញ្ញា ឆ្នាំ២០០៩ ក្នុងពេលខួបកំណើតលើកទី២៦របស់នាង Kristine Hermosa ទេ។ លោកបន្តថា កាលពីខែធ្នូ ឆ្នាំ២០១០ ពេលដែលចេញទស្សនាវដ្តី StarStudio គឺជាពេលដែលលោកសុំនាងរៀបការ។
Posted in
khmer language news
0 comments:
Post a Comment